Marcus Walz, campión olímpico en K1-1000

|

Marcuswalz


Marcus Walz non deixou pasar a oportunidade e alzouse co ouro na categoría de K1-1000 nunha final espectacular este martes nos Xogos de Río. Cun tempo de 3:31.447, deu a badalada no Estadio da Lagoa. O padexeiro de 21 anos pasou o mes previo á competición olímpica adestrado en Laias, no concello ourensán de Cenlle, tal e como apuntou en Twitter o xornalista Alfonso Hermida.

Pola súa banda, a canguesa Teresa Portela volveu quedar fóra das medallas na proba do K1-200. Foi sexta na súa quinta final olímpica. En Londres quedara a só un chanzo do podio. A coroa levouna a neocelandesa Lisa Carrington, que xa gañara a serie na que Portela se clasificou para a final.

E o velocista Bruno Hortelano conseguiu o pase a semifinais cunha carreira espléndida que rematou primeiro co mellor tempo de toda a tarde: 20,12. O rexistro marca un novo récord de España na proba (estaba en 20,18) e serviulle para superar o xamaicano Yohan Blake co que compartiu serie.

En declaracións á TV, o atleta mostrouse confiado incluso en poder baixar dos 20 segundos. Gañarlle esa décima ao crono permitiríalle superar tamén as semifinais.

relacionada ​Támara Echegoyen camiña cara ao ouro
relacionada ​Teresa Portela métese na final do K1 200

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress