​Ferrol inicia a remunicipalización da luz

|

Ferrol 4


O goberno local de Jorge Suárez vén de anunciar a renuncia do contrato de subministración e mantemento eléctrico promovido polo PP no anterior mandato despois de que un informe do Instituto Tecnolóxico de Galicia avalase a remunicipalización do servizo por parte do consistorio ferrolán, informa Praza Pública.


Suárez aclarou este mércores que se trata dunha decisión “política” na que prima “o interese económico para o Concello”. É o primeiro gran contrato dunha cidade que avanza nese sentido e o alcalde subliñou que xa disponen dun informe para levalo a cabo aínda que este terá que pasar polo xefe de Contratación, Intervención e Secretaría do Concello. Suárez mostrouse convencido de que o plan poderá executarse “sen problema co apoio de toda a corporación”.


Jorge Suárez situou esta decisión na liña de remunicipalizar servizos e frear políticas antigas e prexudiciais para a cidadanía, aínda que recoñece que son "batallas duras no marco lexislativo actual". O alcalde compareceu para anunciar a decisión xunto primeira tenente de alcalde, Beatriz Sestayo, e aos concelleiros de Germán Costoya e Álvaro Montes, de Servizos e Participación.


“É unha boa decisión, plenamente xustificada. Non podemos perder o control sobre unha subministración tan esencial como é a eléctrica. É unha enorme satisfacción poder ter conseguido o primeiro obxectivo da nosa folla de ruta no camiño da remunicipalización de servizos”, concluíu Costoya. “O público para o público” fronte á “submisión ás empresas do antigo goberno de Rey Varela”, rematou Sestayo.

relacionada O Concello de Ferrol dá o primeiro paso para analizar unha remunicipalización do servizo de auga
relacionada El alcalde de Ferrol apunta que los plazos de las remunicipalizaciones las marca su gobierno y no la ejecutiva del PSOE

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress