​Os informáticos do Sergas inician unha folga

|

Informatica


Os traballadores da empresa Tecnocom, encargada do mantemento do soporte técnico informático do Servizo Galego de Saúde (Sergas), realizan este xoves a súa primeira xornada de folga para solicitar a recuperación das condicións laborais previas á "modificación unilateral" das mesmas.


A súa previsión é manter esta situación os días 2 e 5 deste mesmo mes nos centros de saúde e que as dos días 10 e 11 afectarán aos hospitais. Estes profesionais, segundo explicou a CIG en días pasados, desenvolven a súa actividade en xornadas de 24 horas, sete días á semana e cun salario de entre 700 e 800 euros, polo que reclaman unha negociación para estudar, entre outras cuestións, compensacións por traballar en días festivos.


Así mesmo, tal e como sinalou a CIG, requiren un abono polos "danos e prexuízos" ocasionados pola citada modificación das súas condicións laborais, ademais dunha compensación por vía económica ou en días libres polos festivos traballados, e aínda maior no caso dos "festivos especiais" (24, 25 e 31 de decembro e 1 e 6 de xaneiro).


Tecnocom ten a concesión do mantemento do soporte informático de numerosas aplicacións empregadas na sanidade pública galega. Durante a semana mantén, en concreto, o dos centros de saúde e é outra empresa a que se encarga do mantemento dos soportes informáticos dos hospitais. Porén, durante as fins de semana o mantemento do dos hospitais pasa a Tecnocom.


A convocatoria de folga conta ademais co apoio dos comités de varias empresas TIC de Compostela como Bahía Software, Dinahosting, Contact Nova e a sección sindical da CIG de Coremain. A CIG-Saúde tamén manifestou a súa solidariedade cos traballadores e xa instou ao Sergas a presionar a Tecnocom para que sente a dialogar co seu persoal evitando así as posíbeis consecuencias tanto para usuarios/as como para as/os profesionais do sistema de saúde, que empregan as aplicacións informáticas que mantén esta empresa como o FIDES ou o aplicativo que facilita a dispensación de Sintrom.

relacionada ​O Sergas presume do nivel informático do Cunqueiro
relacionada ​A CIG convoca folga indefinida no transporte sanitario non urxente

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress