Fin a catro meses de desabastecemento famacéutico en Folgoso do Courel

Folgoso do Courel recuperará esta semana a actividade normal nun dos seus botiquines de farmacia. A alcaldesa de Folgoso do Courel, Dores Castro, informou este mércores de que a situación de desabastecemento farmacéutico do municipio resolverase parcialmente este venres.

A Consellería de Sanidade acaba de readxudicar o botiquín na parroquia de Seoane e tramita o mesmo procedemento para a farmacia de Folgoso do Courel, aínda que neste caso presenta "máis dificultades en canto a temas legais".

O municipio lucense dispón dunha oficina de farmacia e dunha botica anexa de emerxencia que desenvolve a atención farmacéutica na zona e que desde fai dez meses non funciona de forma adecuada.

A rexedora prevé que a situación quede resolta de forma definitiva no mes de outubro, como moito, coa retirada da concesión aos actuais propietarios da farmacia e o botiquín.

O pasado mes saltou á luz un problema de desabastecemento farmacéutico no municipio de Folgoso de Courel que levaban sufrindo os veciños durante polo menos catro meses, debido a problemas bancarios dos propietarios.

Esta situación obrigou aos ao redor de mil usuarios a desprazarse uns 30 quilómetros a oficinas dos municipios de Pedrafita do Cebreiro ou Quiroga.