#Claves de la semana

Villares: "Trátanse mellor os delitos de luva branca ca os cometidos polo común dos mortais"

Nun almorzo con xornalistas na Coruña, o candidato de En Marea anunciou que se compromete a blindar vivenda, alimentos e enerxía para os galegos. 


|

Villarespobreza


O candidato de En Marea á Presidencia da Xunta, Luís Villares, sinalou que, se a partir do 25 de setembro convértese en titular do Goberno galego, no seu primeiro Consello de Goberno aprobaría un "decreto de garantías sociais mínimas" para blindar "tres cousas: vivenda, alimentos e enerxía".


Nun almorzo con xornalistas celebrado na mañá deste mércores na Coruña, Villares comprometeuse a sacar adiante medidas que atendan ás persoas que "están en situacións de extrema pobreza e emerxencia social", parar os "39 desafiuzamentos ao día" que se producen en Galicia e acabar con "a pobreza enerxética" garantindo que nos fogares galegos "non haxa cortes" de luz.


O candidato do partido instrumental cre que é necesario afrontar este tipo de medidas porque se achega "o inverno" e hai que "tomar determinadas medidas" para que os galegos poidan "vivir con dignidade". Unha vez atendidos eses tres ámbitos, prometeu que levaría ao Consello da Xunta outras medidas "de ámbito educativo e sanitario".


A preguntas dos medios, Villares indicou que "primeiro" están "as necesidades básicas da poboación" e que En Marea vén para "facer efectivos os dereitos fundamentais" a través dun "radical compromiso coa democracia e a xustiza social".


"Unha das cousas que me trouxo aquí foi, non só ver que había leis inxustas, senón que había políticos que utilizaban as institucións de maneira inxusta", remarcou o maxistrado en excedencia.


NEGA O 'DEDAZO'


Villares negou a súa suposta designación 'a dedo' como candidato do partido instrumental. "Esa é a opinión do PP. A min elixiume case o 90 por cento dos integrantes (da marea)", defendeu, para logo engadir que se presentou a un proceso de primarias "en igualdade de condicións que o resto".


"Todos lembramos como Aznar designou a Rajoy, Fraga a Feijóo ou Baltar pai a Baltar fillo. Iso si que non é democracia", espetou un Villares que sente apoiado por "9.000 votos".


EXDIRECTIVOS DAS CAIXAS


Por último, tamén se referiu á sentenza sobre as indemnizacións dos directivos das extintas caixas galegas e a súa fusión. O Tribunal Supremo cualificou de "exiguas" as penas para os mandatarios das caixas galegas, algo que para Villares é unha mostra das penas eran "moi baixas".


"Trátanse mellor delitos de luva branca ou de "cuello" branco fronte aos delitos cometidos polo común dos mortais", lamentou Villares, que cre que "fraudes millonarias poden verse saldados con penas curtas" mentres "outros, ás veces vinculados á emerxencia social, teñen penas de prisión moito máis longas".



relacionada Acusacións cruzadas entre os candidatos no debate da CRTVG
relacionada ​El TS confirma la condena a los exbanqueros de NCG por sus indeminzaciones millonarias
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE