O BNG comprométese a eliminar "os impostos ás enfermidades"

|

Pontoncopagos


A candidata do BNG á Presidencia da Xunta, Ana Pontón, comprometeuse a eliminar os "impostos ás enfermidades" e a "rescatar" a Sanidade "entregada a empresas privadas que están a xogar coa saúde das persoas" e fan "negocio co dereito" para recibir atención sanitaria.


A líder frontista presentou este mércores ás portas do ambulatorio compostelán Concepción Arenal unha serie de medidas relacionadas co ámbito sanitario incluídas no programa electoral do BNG para as eleccións autonómicas do próximo domingo.


Coincidindo co Día Mundial do Alzheimer, Pontón denunciou o "malestar" creado no ámbito sanitario durante os anos de goberno do candidato do PPdeG á reelección, Alberto Núñez Feijóo, ao que acusou de poñer o cumprimento do déficit público "por encima" da saúde dos galegos.


En relación a isto, criticou que durante os anos de Núñez Feijóo á fronte da Xunta reduciuse "moito" o número de profesionais da sanidade, que "se incrementasen" as listas de espera "mesmo na atención primaria", ou que se "impuxesen impostos ás enfermidades" e "repagos a xubilados" nunha Galicia que ten "as pensións e os salarios máis baixos de todo o Estado", lembrou.


"RECUPERAR O DEREITO Á SAÚDE"


Por tanto, Pontón indicou a necesidade de "recuperar o dereito á saúde" en Galicia a través de "unha aposta clara polo rescate da sanidade pública", que pasa por impulsar "un plan de rescate dos servizos públicos" prestando "especial atención" ao ámbito sanitario.


Así as cousas, apuntou que "unha das primeiras medidas" que tomará o Bloque se chega ao Goberno galego tras as eleccións do próximo domingo será a "eliminación dos impostos ás enfermidades", o que cualificou Pontón como "copagos inxustos".


Así mesmo, o Bloque adoptará "medidas para contratar a todo ese persoal que é necesario para garantir unha atención de calidade", así como "rescatar" a Sanidade que foi "entregada a empresas privadas que están a xogar coa saúde das persoas e facendo negocio co dereito á saúde".


Un "rescate" que, segundo a líder frontista, empezará polo Hospital Álvaro Cunqueiro de Vigo, onde se realizará "unha auditoría". Por último, o BNG quere "reforzar" a atención primaria en Galicia, xa que se trata da "porta de entrada" ao sistema sanitario e é un ámbito crave para "reverter a tendencia a non só curar enfermidades senón a previr".



relacionada Convocada para este sábado una manifestación-romería para pedir el rescate del Cunqueiro
relacionada ​Villares promete rescatar a sanidade "dinamitada e privatizada por Feijóo"
relacionada ​Hasta 40 pacientes esperando por una cama esta semana en el Cunqueiro

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress