Villegas: "Ciudadanos dará estabilidade e acordos á lista máis votada"

|

Villegasylosada


O vicesecretario xeral de Ciudadanos, José Manuel Villegas, recalou este xoves na campaña galega onde explicou de novo as condicións do seu partido para o día despois das eleccións. "Ciudadanos dará estabilidade e acordos á lista máis votada, esixindo cambios e reformas nesta negociación", explicou.


A candidata do partido laranxa, Cristina Losada, apuntou que se chegan ao Parlamento galego, presentarán "as reformas que mellorarán a vida dos galegos para partir do luns". En concreto, esixirán ata 30 medidas para formar goberno.


Villegas transmitiu o apoio do Comité Executivo Nacional á estratexia exposta por Ciudadanos Galicia. "Queremos que os galegos saiban antes de votar que Ciudadanos pide reformas e non butacas", salientou.


Entre a trintena de medidas, atópanse "a dinamización da economía, a recuperación das políticas sociais e a aposta pola rexeneración democrática". 


En canto ás medidas económicas, atópanse que non se subirán impostos, apostarase pola ciencia e o investimento en I+D+i, apoio a emprendedores e finalización das infraestruturas pendentes.


Do ámbito social, Ciudadanos priorizará medidas encamiñadas a garantir o acceso á educación infantil de 0 a tres anos, a gratuidade dos libros de texto, "blindaxe" da sanidade pública e apertura de quirófanos pola tarde para a redución das listas de espera.


Finalmente, en materia de rexeneración democrática, Losada esixiu a "separación inmediata dos imputados por corrupción política, o fin dos aforamentos, a limitación de mandatos e medidas encamiñadas a mellorar a transparencia e a despolitización das institucións".



relacionada ​Cristina Losada: Queremos eliminar el "venga usted mañana"
relacionada ​Girauta acusa ao PP de practicar un "nacionalismo de baixo perfil" en Galicia
relacionada Así será el cierre de campaña en Galicia

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress