Xornada de mobilizacións na Coruña contra o ERE de Extel

|

Extelmanifestacion


O comité de empresa da compañía de telemárketing Extel convocou para este xoves unha xornada de paros e senllas concentracións en contra do expediente de regulación de emprego (ERE) que prevé executar a empresa nun prazo de 30 días.


En concreto, haberá paros de 12,30 a 13,30 horas e de 16,30 a 18,30 horas, con senllas concentracións ás 12,00 e ás 16,00 horas diante do edificio Proa, tras o ERE presentado pola empresa e no que alega "causas produtivas e organizativas" para o despedimento de 355 traballadores, deles 295 no seu centro da Coruña.


Desta forma, case un 58% do persoal afectado, máis da metade, será do centro coruñés. Os sindicatos expresaron xa o seu rexeitamento a este expediente de regulación de emprego e argumentan, para iso, que Extel conta "cunha carga de traballo moi abundante de maneira permanente".


Mentres, desde o Grupo Municipal do BNG na Coruña instaron á cidadanía para sumarse a estas mobilizacións. "Temos que parar o ERE entre todas e todos porque non podemos consentir que A Coruña sexa a cidade na que Extel despide máis traballadores de todo o Estado, mentres que o seu principal cliente, Telefónica, segue aumentando os seus beneficios millonarios", sentenza.

relacionada 205 trabajadores de Extel en A Coruña se verán afectados por el ERE

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress