​O tren do Porriño debía probar se funcionaba un desvío

|

Accidenteporrio2


O ministro de Fomento en funcións, Rafael Catalá, considerou "prematuro" e mesmo "irresponsable" anticipar as conclusións ao informe que debe elaborar a CIAF (comisión de investigación de accidentes ferroviarios) e á resolución que adopte o xulgado na causa polo descarrilamento no Porriño.


Así se pronunciou a preguntas dos xornalistas sobre a información publicada por La Voz de Galicia, que revela que Adif (o administrador de infraestruturas ferroviarias) usou o tren do Porriño para probar se funcionaba o desvío.


Fontes consultadas por Europa Press confirmaron que os técnicos que traballan estes días sobre o terreo para tratar de esclarecer os feitos --peritos xudiciais e membros da propia CIAF-- foron informados de que na vía non se estaba realizando obra ningunha, senón que se estaba comprobando se funcionaban ben as instalacións, despois de detectarse unha anomalía na vía á que se desviou o tren 'Celta' o día do sinistro.


Esta vía obriga ao convoi a reducir a velocidade a 30 quilómetros por hora, cando, previamente, circula a uns 120 quilómetros por hora e desde facía tempo o 'Celta', que conecta Vigo co Porto, non tiña parada xa no Porriño.


Con todo, as mesmas fontes consultadas subliñan que este tipo de comprobacións "entran dentro dos labores de mantemento" e non son "nada estraño", e lembran que o maquinista recibiu o aviso de diminución da velocidade a través da correspondente sinalización.


"NON ESPECULAR"


Preguntado respecto diso, Catalá, que lembrou que esta traxedia ferroviaria, na que morreron catro persoas, é a segunda que lle toca afrontar --despois da de Angrois, en Santiago, onde faleceron 80--, subliñou que "o responsable" é "esperar á resolución e a coñecer a visión oficial". "E, por tanto, non especular", engadiu.


Neste sentido, defendeu o "estudo minuciosísimo" que se elabora a partir dos datos da caixa de rexistro, do estudo da vía, o cadro de velocidades e as instrucións do condutor. "Por iso, anticipar as conclusións a eses informes da CIAF ou á investigación xudicial é prematuro, e mesmo me atrevería a dicir que irresponsable", dixo.


O titular de Fomento en funcións apelou á "visión oficial" e aprazou a súa valoración ao momento en que teña "esa información oficial".


"O MEDIO MÁIS SEGURO"


Ademais, como despois do accidente do Alvia na curva da Grandeira, avogou por "aprender e poñer en marcha medidas de mellora se son necesarias para pregarantizar a seguridade".


"O medio ferroviario é seguramente o medio máis seguro de todos os nodos de transporte", apostilou, antes de admitir que "é verdade que cando sucede unha traxedia ferroviaria a todos pega unha puñada no peito e fai cuestionar se os sistemas son suficientes e adecuados ou se houbo un erro humano, e saber que pasou".


Por último, indicou que "os primeiros que teñen dereito a sabelo son as vítimas e os seus familiares" e resaltou que "por iso hai que respectar a investigación e esperar a que haxa unhas conclusións xudiciais".

relacionada Confirman que el freno del tren de O Porriño funcionaba y no había "nada irregular" en la vía
relacionada ​Especialistas reconstrúen o accidente de tren de O Porriño
relacionada A CIAF terá o informe sobre as causas do sinistro do Porriño "en 6 ou 9 meses"

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Cabecerarecomendados 1
Cabeceraultimahora
Cabeceralomasleido 1


Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress