Doce municipios galegos recibirán 83 millóns para desenvolvemento urbano

|

Santiago


Unha ducia de municipios galegos recibirán un total de 83,1 millóns de euros en axudas do plan de Estratexias de Desenvolvemento Urbano Sustentable e Integrado (Edusi) tras ser seleccionadas as súas propostas polo Ministerio de Facenda e Administracións Públicas.


O Boletín Oficial do Estado (BOE) publica na súa edición deste luns, consultada por Europa Press, a resolución pola que se conceden as axudas destes fondos --cofinanciados con fondos europeos Feder-- en primeira convocatoria, cun prazo de execución ata 2020.


Vigo (15 millóns), Santiago (10 millóns), Lugo (10 millóns) e Pontevedra (10 millóns) son os municipios que encabezan estas axudas en Galicia, tras ser seleccionados os seus proxectos.


A lista de concellos galegos seleccionados son: Redondela (5 millóns), Ponteareas (5 millóns), A Estrada (5 millóns), Lalín (5 millóns) Ribeira (5 millóns), Vilagarcía (5 millóns), Marín (5 millóns) e Culleredo (3,1 millóns).


Segundo detalla a resolución, quedaron fóra destas axudas os concellos da Coruña, Ferrol, Carballo e Ames, así como a Deputación de Ourense por "non ter suficiente puntuación". Pola súa banda, a solicitude do municipio de Abegondo foi cualificada como "non admisible" ao incumprir determinados criterios para optar a estas subvencións.


En toda España as axudas ascenden a 730 millóns repartidos entre todas as comunidades. 


NOTICIA "MOI IMPORTANTE" PARA SANTIAGO


Este luns no que o BOE publicou esta orde de axudas, o alcalde de Santiago, Martiño Noriega, compareceu en rolda de prensa para destacar que esta é unha noticia "moi importante" para a cidade, xa que permitirá realizar diversas actuacións necesarias e implementar a obra pública nos próximos anos.


Segundo explicaron tanto o alcalde como o concelleiro de Espazos Cidadáns, Jorge Duarte, estas axudas supoñerán melloras nos barrios máis desfavorecidos da cidade, a recuperación de espazos públicos, haberá actuacións de conservación de patrimonio histórico e natural, así como de mellora enerxética, entre outras.


Todo iso supoñerá un modelo de cidade "máis inclusiva e accesible", no que tamén se poñerá en valor o "patrimonial", "etnográfico" e "arqueolóxico", segundo subliña o goberno municipal.


Ademais dos 10 millóns que achega Facenda, o Concello de Santiago de poñer a maiores uns dous millóns de euros, que darán lugar a actuacións por valor de 12 millóns. Estaban previstas máis de 60 obras.


Entre outras actuacións, prevese destinar partidas á reurbanización de Castrón Douro, Belvís, Batalla de Clavijo, así como melloras en Xoán XXIII, Praza de Galicia e Paxonal. Tamén haberá partidas para vivendas de barrios máis desfavorecidos como Vite, Vista Alegre e Pontepedriña.


Ademais, avanzarase no estado de conservación das sendas peonís dos ríos Sar e Sarela, mentres que se achegará orzamento para a conservación de patrimonio como o Castelo da Rocha Forte e de petróglifos.


'VIGO VERTICAL' 


A cidade de Vigo conseguiu 15 millóns dentro da convocatoria para o proxecto 'Vigo Vertical' , no marco do cal se conectan diferentes zonas do centro da cidade salvando desniveis con ascensores e escaleiras mecánicas.


Así o anunciou o alcalde olívico, Abel Caballero, quen recalcou que Vigo é a cidade galega que máis fondos conseguiu nesta convocatoria, mentres que, por exemplo, A Coruña obtivo "cero" e a Deputación de Ourense tamén obtivo "cero".


O rexedor destacou que as actuacións de 'Vigo Vertical' teñen como finalidade o "aglutinamiento espacial e social" de zonas próximas da cidade pero que, á vez, están distantes pola configuración vertical da orografía viguesa.


En concreto, as actuacións proxectadas terán un investimento de 18,75 millóns de euros, dos que o Concello achegará 3,75 millóns. Ademais, Caballero avanzou que Vigo tamén optará á seguinte convocatoria, para obter ata o 30 por cento de financiamento en novos proxectos.


Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress