#Claves de la semana

​Pilar Cancela rexeita dimitir e pide "respecto"

A presidenta da xestora do PSdeG recalcou hoxe que seguirá no posto pese ás declaracións de certos líderes socialistas que suxiren que debería dimitir. 


|

Pilarcancela 3


A presidenta da xestora do PSdeG, Pilar Cancela, esixiu este luns o mesmo "respecto" e "lealdade" para o órgano que lidera que para o recentemente constituído a nivel federal tras a dimisión de Pedro Sánchez como secretario xeral.


Na rolda de prensa tras reunirse co resto de integrantes da dirección provisional do PSdeG, non só rexeitou dimitir, senón que, ademais, revelou que na negociación para constituír a xestora federal acordouse "respectar" todas as existentes noutros puntos do territorio.


Así pois, a pesar das peticións de, entre outros cargos, o alcalde de Vigo, Cancela recalcou que seguirá no seu posto para cumprir as funcións que ten encomendadas, como a de convocar primarias e congreso para elixir unha nova dirección do partido en Galicia.


Así mesmo, avanzou que nos próximos días pedirá unha reunión coa xestora federal para abordar as cuestións pendentes en Galicia. Tamén nesta semana convocará a todos os deputados electos do PSdeG para "empezar a traballar".


A preguntas dos xornalistas sobre as voces internas que piden a súa dimisión, manifestou que "en absoluto" sente que "estea cuestionada" como presidenta da xestora, máis aló das críticas "constantes" que recibiu desde que foi nomeada para este posto.


relacionada No PSdeG poñen as barbas a remollo
relacionada Caballero e Barcón cargan contra a xestora do PSdeG
relacionada La gestora del PSOE se reúne hoy para intentar recomponer la unidad
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE