​A Mesa denuncia que Ferroatlántica non permite usar o galego nas reclamacións internas

|

Amesapolanormalizacionlinguistica


A Mesa pola Normalización Lingüística criticou este mércores que o código ético da compañía Ferroatlántica non permite o uso do galego nas denuncias e trámites internos entre a empresa e os seus traballadores.


Tras unha denuncia realizada no servizo 'A liña do galego', A Mesa comprobou que o código ético da compañía recolle, no seu punto 10.3.2, que se poderán formular denuncias "en lingua española, inglesa, francesa ou chinesa (mandarín)".


Desta maneira, a compañía, propiedade do Grupo Villar Mir, "exclúe o uso do galego" destes trámites, "vulnerando o contemplado na lexislación nacional e internacional que o ampara".


Por mor desta situación, o presidente da Mesa, Marcos Maceira, acusou á Xunta de "permisividade" con todas as accións desta empresa que, lembrou, conta con tres fábricas en Galicia e seis minicentrais eléctricas, ademais de explotacións mineiras.


A entidade poñerase en contacto coa Secretaría Xeral de Política Lingüística e con Ferroatlántica, así como coas consellerías de Industria e Traballo, para tratar a cuestión, así como para que se abra unha investigación pola "posible vulneración de dereitos lingüísticos".

relacionada A Mesa denuncia a "barbarización" da toponimia galega nos medios

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress