Remata por este ano a tempada da sardiña para os barcos do xeito
O Ministerio decretou o peche provisional da pesquería "en base aos actuais datos de consumo". A veda comezaría o 1 de novembro.
O Ministerio de Agricultura decretou o peche da pesqueira da sardiña para a arte do 'xeito' desde as 00,00 horas deste martes, 18 de outubro.
Nunha resolución da Dirección Xeral de Ordenación Pesqueira establécese que procede ao peche provisional "en base aos actuais datos de consumo", nun 2016 cun tope de 175 toneladas.
O plan de xestión da frota do 'xeito' estableceu un período de veda para o ano 2016 entre o 1 de novembro e o 31 de decembro.
Este peche chega despois do que levou a cabo o pasado 8 de outubro para a frota do cerco, que recibiu críticas por parte dos cerqueiros galegos.
Escribe tu comentario