​A Policía trata de identificar os participantes na pelexa gravada en Lugo

|

Videomenorespelealugolvg

Video publicado por La Voz de Galicia


A Policía Nacional trata de identificar as persoas que participaron nunha pelexa gravada en vídeo na cidade de Lugo e que posteriormente foi difundida polas redes sociais.


Segundo fontes da investigación, as pescudas iniciáronse por mor dun vídeo difundido polas redes sociais no que pode verse a dous mozos encerellados nunha pelexa no centro da cidade mentres outros os observan. Os participantes, apuntan, poderían ser menores.


Os investigadores, dixeron as mesmas fontes, tratan agora de "identificar" a eses mozos, aínda que non existe denuncia por estes feitos nos xulgados de Lugo. "Unha vez identificados", apuntan, se "son menores pasarase á Fiscalía de menores".


No vídeo difundido na internet pódese ver como dous mozos se dan puñadas e patadas ante a atenta mirada de máis persoas, que acirran aos contendentes.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress