​Localizan en bo estado de saúde a unha anciá desaparecida en Carral

Mercedes Castelo faltou da casa o domingo.

Un can do Servizo de Seguridade e Rescate (SYR) da Garda Civil de Asturias, de nome 'Blue', localizou á primeira hora deste martes en relativo bo estado de saúde unha anciá de 78 anos que faltaba desde o domingo do seu domicilio en Carral (A Coruña).

Segundo informou a Garda Civil, a muller foi localizada ao redor das 8,40 horas deste martes no interior dun alpendre dunha vivenda deshabitada no lugar de Quembre. A pista deuna o can de emerxencias que participaba no operativo.

Mercedes Castelo, de 78 anos, faltaba do seu domicilio desde a noite do domingo e os seus familiares interpuxeran unha denuncia ante a Garda Civil, que comezou os rastreos o luns.

Nos diferentes dispositivos participaron patrullas da Garda Civil de Carral e Culleredo, Protección Civil de Carral e numerosos voluntarios.

Nunha primeira comprobación, persoal do 061 determinou que o estado de saúde da muller era relativamente bo, aínda que foi trasladada ao Hospital da Coruña para sometela a un recoñecemento máis exhaustivo.