Por cada hora de estudo, un euro para construír escolas en Ecuador

|


Bibliotecaestudio




A Universidade de Santiago (USC) volverá sumarse este sábado á Olimpíada Solidaria de Estudo, unha campaña de sensibilización e solidariedade pola que por cada hora de estudo en bibliotecas dos campus de Compostela e Lugo doarase un euro para o desenvolvemento de proxectos solidarios.


Esta campaña, segundo informa a institución académica, creada pola ONGD Coopera, empezará este sábado día 5 de novembro e estenderase ata o 5 de decembro, coordinada na USC polo Servizo de Participación e Integración Universitaria (Sepiu).

Este ano, as horas de estudo que se contabilicen en Galicia servirán para axudar a reconstruír tres escolas de Ecuador que quedaron destruídas a causa do terremoto do pasado mes de abril.

Trátase, en concreto, do Centro de Formación Artesanal Ángela Rosa Cevallos e as escolas Elios Puertas e Sacra Familia. As tres, segundo indica a USC, atópanse na provincia de Manabí, unha das máis pobres de Ecuador.

Para facer o cómputo total das horas habilitouse un terminal informático, no que o alumnado ten que introducir o seu Cartón Universitario de Identidade (TUI) á entrada e saída das salas de estudo.

Para que se poida realizar o cómputo o alumnado deberá acumular, segundo puntualiza a USC, como mínimo unha hora e un máximo de catro, período tras o que deberían volver introducir o cartón se queren seguir contabilizando horas.

A USC lembra que foi a terceira entidade do Estado español que máis diñeiro recadou na edición do ano pasado da Olimpíada, con 33.977 euros a través da participación de 3.033 estudantes, dos que 2.124 eran mulleres.

relacionada ​El Corte Inglés dona 113.000 euros a Unicef para la infancia "más vulnerable"
relacionada ​El Fondo Solidario de Libros de Texto reparte 427.000 manuales

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress