#Claves de la semana

Sete detidos no Barco de Valdeorras por matrimonios de conveniencia

Son persoas relacionadas "con círculos da prostitución" na zona, que trataron de inscribir unha parella de feito inexistente para regularizar a muller.


|

Extranjeriapasaportes


Axentes da Policía Nacional detiveron na provincia de Ourense dous homes e cinco mulleres como presuntos autores dun delito de falsificación documental por tratar de inscribir unha parella de feito inexistente co fin de regularizar a unha muller de nacionalidade nixeriana.


Segundo informou a Comisaría de Ourense, a operación policial iniciouse o 12 de xullo deste ano no Barco de Valdeorras pola Brigada Provincial de Estranxeiría e Fronteiras no marco da denominada 'Operación Bendición'.


A Policía relatou que a investigación comezou tras detectar indicios de falsidade nunha suposta parella de feito inscrita no 'Rexistro de parellas de feito' do Barco de Valdeorras entre unha cidadá nixeriana, que se atopa en situación irregular, e un español.


Como resultado das actuacións policiais, os axentes pescudaron que a cidadá nixeriana "fracasara no intento de inscribirse como parella de feito en diversos lugares de España e en Italia", así como a "inexistencia dunha relación real entre a parella inscrita".


Tamén, cinco testemuñas, "a propósito da falsidade" da relación, certificaron a súa existencia, polo que foron detidos todos eles por falsidade documental, segundo ratificou a Policía.


VÍNCULOS


Todos os detidos da 'Operación Bendición' teñen "vínculos moi pechados, tanto familiares como de veciñanza", segundo resaltaron as mesmas fontes policiais, que engaden que se trata de persoas relacionadas "con círculos da prostitución da zona do Barco de Valdeorras".


Os detidos son dous homes de 21 e 32 anos, naturais de España e República Dominicana, respectivamente, que carecen de arrestos anteriores, e cinco mulleres, dúas delas con antecedentes.


A unha das mulleres, de 23 anos natural de Nixeria, cónstanlle catro detencións anteriores; outra de 34 anos natural de Paraguai ten un antecedente anterior; e dúas, naturais de República Dominicana de 44 e 47 anos; e outra de 38 anos natural de Colombia carecen de detencións previas.


Dos sete detidos, cinco deles, foron postos en liberdade en comisaría e dúas pasaron a disposición xudicial no Barco de Valdeorras, tras o que se decretou a súa liberdade.

Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE