Javier Guerra preséntase como "cambio real" dentro do PP de Vigo

O candidato á presidencia do Partido Popular de Vigo Javier Guerra defendeu que a súa candidatura "é a única que garante un cambio real" en correspondencia coa "maioritaria vontade" dos militantes, fronte ao anuncio de confluencia das outras dúas candidaturas, as de Elena Muñoz e Lucía Molares, "nunha liña continuista".

Así o manifestou este luns, día no que arrincou a campaña electoral interna, nun comunicado no que censurou que "se xogou" coas vontades dos votantes, simpatizantes e militantes do PP "para utilizalas como moeda de cambio para o logro de aspiracións persoais".

Durante os próximos días, Guerra avanzou que ten previsto trasladar o seu programa aos vigueses e facer un chamamento a todas as persoas que expresaron "unha vontade de cambio". Neste marco, reclamou que o próximo 17 de decembro asuman "con valentía, a responsabilidade" de que o PP vigués tome "as rendas do seu destino".

Guerra remarcou, finalmente, que espera que a comisión negociadora do congreso "cumpra co seu compromiso de garantir un proceso limpo e transparente", así como "que desde os órganos provincial e autonómico do partido se manteñaunha respectuosa imparcialidade".