Preséntase unha obra póstuma de Neira Vilas no primeiro cabodano do seu falecemento
Os nenos foron os encargados de presentar 'Quique na aldea', un conto do escritor de Vila de Cruces dedicado á infancia.
Os nenos foron os encargados de presentar, xunto con autoridades, editores e a propia fundación do autor, o conto póstumo do escritor de Vila de Cruces, 'Quique na aldea'. Fixérono no primeiro cabodano de Neira Vilas, e o lugar escollido foi a súa casa de Gres.
'Quique na aldea' é o título deste conto, cuxo protagonista é distinto ao coñecido Balbino de 'Memorias dun neno labrego', e que narra a historia dun neno que descobre a aldea nunhas vacacións cos seus avós.
"Hai xente que non tivo a sorte de nacer no rural, como Quique, e é moi bo que a xente da cidade veña coñecelo", apuntou o presidente da Xunta, Núñez Feijóo, que lembrou como Neira Vilas "nunca se esqueceu da súa aldea".
Antes de despedirse, Núñez Feijóo dirixiuse aos nenos para afirmar que a Neira Vilas "gustaríalle" que lesen e que "crecesen con coñecemento".
Escribe tu comentario