Santiago terá que pedir un crédito dun millón de euros para afrontar sentenzas de mandatos anteriores

|

Mariarozassantiago

María Rozas é a concelleira de Economía e Facenda.


Un pleno extraordinario e "urxente" debaterá este mércores en Santiago un expediente de modificación de crédito de case un millón de euros para, tal e como explicou a concelleira de Economía e Facenda do Concello de Santiago, María Rozas (Compostela Aberta), pagar sentenzas de mandatos anteriores.


"O importe total das sentenzas ascende a 3,5 millóns de euros", explicou Rozas este martes. Así mesmo, a concelleira engadiu que "xa se fixo fronte a boa parte das mesmas mediante un axuste de orzamento, pero hai outra parte que para pagalas é necesario levalas a pleno e dotalas de crédito".


Concretamente, o expediente de modificación de crédito que se debaterá ascende a 949.453,46 euros para o pago de tres sentenzas. A primeira, refírese a un fallo a favor da UTE Autobuses Urbanos de Lugo e TRAP S.A., cunha cantidade de 135.589,50 euros relativa á liquidación do servizo do ano 2008.


A segunda sentenza, está relacionada con facturas de contrato de asesoría xurídica do Concello que quedaron sen pagar do mandato anterior e que agora deben aboarse con intereses, o valor destas ascenden aos 112.381 euros.


Por último, destinaranse 693.571,27 euros ao pago dunha sentenza do parque comarcal de bombeiros, que ascende a 1.018.000 euros, dos cales xa se pagou unha parte con outro crédito.

relacionada ​A zona vella de Santiago non abrirá novos aloxamentos en dous anos
relacionada Noriega acusa á Xunta de aplicar o 'método Trump' no caso do paraguaio deportado

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress