​Podemos pide que o Congreso investigue os sobrecustos no AVE a Galicia

|

Aveobras


Unidos Podemos e Compromís queren que o Congreso cre unha comisión de investigación sobre a posible "administración desleal" dos recursos públicos a través da práctica sistemática do sobrecusto que se impuxo nos últimos anos, un órgano no que, entre outros asuntos, debería analizarse o rescate das autoestradas radiais de Madrid, a privatización de Aena e os sobrecustos do AVE.


Os encargados de rexistrar esta iniciativa foron os deputados de Podemos Sergio Pascual, Ángela Ballester e Juan Pedro Yllanes. Unha vez rexistrada, terán que solicitar que o seu debate se inclúa na orde do día do pleno do Congreso, que, en principio, non volverá reunirse ata o próximo mes de febreiro.


No seu texto, Unidos Podemos e Compromís demandan unha investigación sobre o "obxecto, razóns, destino e posible administración desleal dos recursos públicos a través da práctica sistemática do sobrecusto, xa sexa mediante autorización de modificados ou proxectos complementarios".


E, en concreto, expoñen que a comisión se centre en investigar as constantes "baixas nas ofertas por parte dun grupo de empresas concretas", xa que sospeitan que pode estar a se producir un "fenómeno de cartelización".


MODIFICADOS DE CONTRATOS


Tamén buscan que se aclare se existiu unha "administración desleal" derivada de posibles "inaplicacións ou aplicacións lesivas para o erario público" da Lei de Contratos do Sector Público que, para a valoración de propostas, prevé a necesidade de atender "xa non o prezo máis baixo", senón outros criterios como a calidade, a revisión das retribucións ligadas á utilización da obra, os prazos de execución ou as características ambientais.


O terceiro obxectivo da comisión debe ser avaliar como se aplicou o mandato do Tribunal de Xustiza da Unión Europea (TJUE) respecto dos modificados de contratos, que só deben facerse se existe "un interese público que o aconselle", se non afectan o contido " esencial" e se se motiva e acredita "a causa que ampara finalmente o modificado".


AVE A GALICIA


Na exposición de motivos da súa petición, ambas as formacións inclúen unha longa listaxe de posibles casos a investigar: as mencionadas radiais de Madrid e a privatización do 49% de Aena; o "escándalo" de ACUAMED no que, recalcan, están implicados "os ministerios de Presidencia, Agricultura e Facenda e que revelaba 45 millóns en sobrecustos; as sucesivas ampliacións de concesións de servizos públicos como autoestradas e centros hospitalarios como o privatizado Hospital de Burgos e o caso do porto xixonés do Musel, que investiga a Audiencia Nacional.


Capítulo á parte merecen os sobrecustos en distintas obras de alta velocidade ferroviaria: o AVE Madrid-Barcelona (10.000 millóns en sobrecustos), o AVE Alacante-Murcia (20 millóns de euros máis do previsto), a variante de Loja do trazado do AVE a Granada (que xa acumula un custo estimado de 1.645, máis do dobre do cálculo inicial) e o AVE a Galicia (case 2.000 millóns en sobrecustos).


Todos estes casos, sinalan, producíronse seguindo sempre o mesmo "modus operandi": a administración licita unha concesión ou obra pública, unha empresa con recursos financeiros amplos concursa á baixa (en ocasións ata o 40%) e recibe a adxudicación e despois esíxense modificados e/ou obras complementarias por valores que acaban alcanzando e mesmo superando o prezo de licitación.

relacionada Feijóo, sobre o salto á política estatal: "Teño un contrato con Galicia ata 2020"
relacionada Empresarios de Vigo piden 'pelexar' polo AVE por Cerdedo

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress