​Identifican ao presunto autor dun incendio forestal consecuencia dunha queima neglixente

|

Portodosonincendioforestalbombeiros

A Policía Autonómica de Pontevedra investiga a un home como presunto autor dun incendio forestal orixinado o pasado 9 de decembro na localidade pontevedresa de Vilaboa, supostamente como consecuencia dun escape nunha queima realizada "de forma neglixente".


Segundo informou a Xunta, os feitos ocorreron o 9 de decembro no lugar de Areeiros, na parroquia de Santa Cristina de Cobres. O lume afectou a unha superficie de 4.600 metros cadrados e, para a súa extinción, foi necesaria a intervención de persoal do Servizo de Extinción de Incendios.


Por mor destes feitos, a Policía Autonómica e axentes ambientais da Brigada de Investigación de Incendios Forestais da Consellería do Medio Rural iniciaron unha investigación, que permitiu pescudar que o incendio se debeu a un escape nunha queima. Por todo iso, instruíronse dilixencias, que foron remitidas ao xulgado de Cangas en funcións de garda.


Na actual campaña anti-incendios forestais, tal e como remarcou a Administración autonómica, a Policía Autonómica detivo ou abriu investigación a un total de 71 persoas por delitos relacionados con lumes nos montes galegos.

relacionada Declara el investigado por el incendio que calcinó 800 hectáreas en el Xurés
relacionada ​Arcos Iris insta á Xustiza para explicar a posta en liberdade de presuntos incendiarios
relacionada Investigan ao presunto autor dun incendio forestal no Concello de Porto do Son

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress