​Os turistas de cruceiros que chegan á Coruña valoran a limpeza da cidade

|

Crucero


Unha enquisa municipal promovida pola Consellería de Medio Ambiente do Concello da Coruña sobre a percepción socioambiental da cidade revelou que os turistas de cruceiros ven positivo o estado de limpeza desta, outorgándolle unha puntuación de 4,7 sobre 5.


Segundo informou o Concello da Coruña nun comunicado, a sondaxe realizouse entrevistando a 654 turistas dos 13 cruceiros con maior número de pasaxeiros que fixeron escala na cidade nos meses de outubro e novembro.


Os entrevistados cualificaron a cidade como "bonita, segura e de xente agradable" e a única queixa xeneralizada foi en relación a establecementos que non empregaron o inglés para comunicarse cos turistas.


A enquisa buscaba aproximarse á percepción que teñen os turistas de cruceiros en relación a aspectos varios como a información turística dispoñible, a oferta de transporte público, o patrimonio cultural ou a calidade ambiental e acústica.


En xeral, os aspectos ambientais foron mellor valorados que os turísticos, destacando particularmente o estado de limpeza da cidade. A media de idade dos turistas consultados foi superior aos 59 anos nun 54,7 por cento dos casos. En canto ao xénero, houbo practicamente paridade.

relacionada ​Uns 120 cruceiros recalarán na Coruña ao longo de 2017
relacionada El crucero más grande del mundo hace escala en Vigo

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress