Conde destaca a "clara recuperación" do sector da construción en Galicia

|

Franciscocondeentregadediplomas

O conselleiro de Economía, Emprego e Industria, Francisco Conde, destaca a "clara recuperación" do sector da construción, que "marca a situación económica galega".


Así o subliñou en Santiago durante a entrega de diplomas formativos da Xunta a 383 persoas desempregadas, alumnos da Fundación Laboral da Construción.


Neste sentido, Conde remarca que no 2016 baixou un "17 por cento" o paro na construción en Galicia, tras "anos de moitísimas dificultades" durante a crise.


Así, resalta un "crecemento de sete trimestres" desde o primeiros tres meses de 2015, un sector con "maior dinamismo" que no resto de España.


Ademais do aumento da facturación e a baixada do desemprego, o conselleiro chama a atención sobre que esta melloría tamén se aprecia no incremento do prezo da vivenda en Galicia.


CERTIFICADOS


Así, case 400 alumnos do Plan AFD --dirixidos a desempregados inscritos no paro-- da Consellería de Economía, Emprego e Industria recibiron este luns un diploma oficial da Xunta, tras realizar na Fundación Laboral da Construción cursos de carpintería, albañilería e comunicación en galego e castelán, entre outros, en Lugo, Ourense, Arteixo e Teo.


O presidente do Consello Territorial de Galicia da Fundación Laboral da Construción, Eligio Neto Lama, apuntou que estes diplomas supoñen o resultado dun "sacrificado esforzo" por parte dos alumnos, mentres indica que o 10,5% dos alumnos que conseguen un certificado de profesionalidade incorporáronse ao mundo laboral.


INSERCIÓN DO 56% EN CURSOS DA XUNTA


Pola súa banda, Francisco Conde afirma que estes diplomas supoñen "abrir oportunidades" a todas as persoas que buscan emprego, así como facer "máis competitivas" ás empresas a través de man de obra "máis cualificada".


Neste sentido, explica que estes certificados teñen validez en toda España, mentres que a construción é un dos sectores con maior inserción.


Ademais, puxo en valor que os participantes en cursos de certificación da Xunta teñen unha inserción laboral do "56 por cento".


Este ano prestarase especial atención a desempregados de longa duración, mulleres e novas, con máis de 86 millóns de euros para formación e novidades como estender os cursos ao longo de todo o ano.

relacionada ​El director de Barreras anuncia dos contratos para enero
relacionada ​As licenzas para a construción de novos edificios en Galicia aumentaron un 80% en agosto
relacionada Ortega refuerza su 'imperio inmobiliario' con un edificio en Miami valorado en 470 millones

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress