Ornitólogos percorrerán humidais galegos para facer un censo da aguia pescadora

|

Aguiapescadora

Máis de 25 ornitólogos, coordinados pola Sociedade Galega de Ornitoloxía, percorrerán este sábado, 14 de xaneiro, 30 humidais galegos para facer un censo da aguia pescadora ('Pandion haliaetus').


Esta xornada enmárcase nunha iniciativa da Fundación Migres que realiza un censo a nivel ibérico desta especie a través de 'Amigos da aguia pescadora'.


Esta ave rapaz inverna en Galicia, onde se atopa en rías, encoros e estuarios. Ademais, é obxecto dun intenso programa de recuperación desde hai medio século en toda Europa, segundo informa a Sociedade Galega de Ornitoloxía.


A colaboración de voluntarios permitirá detectar a presenza desta especie en Galicia nas principais zonas nas que se atopa como son as rías de Ribadeo, Ortigueira e Betanzos, así como o encoro de Abegondo e o estuario do Miño, entre outras.


A aguia pescadora non cría na Comunidade e os exemplares que habitan nos humidais galegos nestas datas son invernantes chegados do Norte de Europa. Na primavera e outono tamén pasan por Galicia paxaros durante as súas migracións cara a África e o Sur de Europa.


A Sociedade Galega de Ornitoloxía destaca que o aguia pescadora "é un modelo de éxito na recuperación dunha especie ameazada a nivel europeo", pois, por exemplo, en todo Reino Unido a finais da década de 1950 quedaba só unha parella nun lago escocés. O proxecto desenvolvido pola Fundación Migres logrou a reintroducción da especie como reprodutora en Andalucía.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress