O PP gaña en Ourense pero D.O. ten a chave de goberno

Concello de Ourense

O PP de Ourense gañou as eleccións municipais, tras situarse como a forza máis votada con 10 escanos e o 30,93% dos votos, co 98,60 dos votos escrutados, pero a Democracia Ourensá de Gonzalo Jácome, con 8, é o grupo que ten a chave do goberno.

O candidato popular Jesús Vázquez Abad quedouse lonxe da maioría absoluta e Democracia Ourensá (D.O.) converteuse en chave de goberno ao situarse como a segunda forza en número de votos.

O grupo D.O. que lidera Gonzalo Pérez Jácome, cun total de oito concelleiros, é a segunda forza máis votada, co 25,45% de votos (tres mil menos que o PP), e mellora ostensiblemente os seus resultados ao pasar dos dous edís de 2011 a oito.

O portavoz de Democracia Ourensá, Gonzalo Pérez Jácome, cualificou este domingo como un "fito histórico" os resultados logrados en Ourense por este grupo, e recordou que se trata dun partido que sae desde Ourense e non baixo unhas siglas.

Tras conseguir cuadriplicar resultados, o candidato sinalou que un dos primeiros obxectivos a partir de mañá será "intentar formar goberno para tomar a Alcaldía" nesta cidade e así "transformar a cidade".

O PSdeG-PSOE -que ata agora gobernaba o Concello- cae á terceira posición, cun 19,06% dos votos, pasando dos once actuais aos seis.

A marea Ourense en Común irrompe na corporación con tres concelleiros e o 10,37% dos votos, segundo os datos do Ministerio do Interior na súa web electoral.

O BNG, que tiña tres concelleiros, queda sen representación, cun 4,58% dos votos.

No que respecta provincia, o PP mantén o goberno en concellos con candidatos imputados en Melón e Boborás.

Ademais, deixa de ser a forza máis votada no Carballiño e periga a súa gobernabilidade en Verín, xa que a pesar de ser a forza máis votada con sete edís, PSdeG-PSOE e BNG obtiveron 6 e 4, respectivamente.

En avión, o BNG, cuxa lista encabezada o portavoz nacional Xavier Vence, non conseguiu representación.