PREMIOS ONCE

A Once recoñece a Gadisa, Salvamento Marítimo e a Sinfónica de Galicia cos seus Premios Solidarios

|

Helicóptero de Salvamento Marítimo en Galicia.


O grupo Gadisa, a Orquestra Sinfónica de Galicia (OSG), Salvamento Marítimo, o xornalista Alfonso Hermida e o enfermo de Ela Francisco Otero foron galardoados cos VIII Premios Solidarios Once Galicia en recoñecemento ao seu esforzo pola inclusión social, segundo anunciou este venres a organización.


Os premios, que este ano se entregarán o próximo 30 de setembro no Teatro Colón da Coruña, outórganse ás empresas, organizacións, medios de comunicación, persoas físicas e estamentos da administración pública que destaquen na defensa e apoio da integración das persoas con discapacidade e doutros colectivos en risco de exclusión en Galicia.

O grupo de distribución alimentaria Gadisa foi galardoado na categoría empresa polo seu compromiso firme con institucións, ONG e colectivos de desfavorecidos que atenden a persoas con dificultades diversas, ao realizar anualmente máis de 1.500 accións de índole social, cultural, deportiva e solidaria.

O premio á OSG, na categoría de institución , recaeu na posta en marcha do proxecto social ReSuena, unha iniciativa pioneira coa que axuda a colectivos desfavorecidos e en risco de exclusión social co fin de conseguir a súa integración a través da cultura, utilizando a música como terapia para afastar, sobre todo aos nenos, da marxinalidade.


Os homes e mulleres que traballan en Salvamento Marítimo en Galicia alzáronse co galardón correspondente á categoría de estamento da administración pública porque sen o esforzo individual de cada un deles nunca se cumprirían os obxectivos de salvamento de vidas humanas no mar e de prevención e loita contra a contaminación do medio mariño, axuda ao tráfico marítimo, de seguridade ou de remolque e asistencia de buques.


O xornalista de TVG, Alfonso Hermida, con raíces vilalbesas, foi premiado na categoría de comunicación por dar visibilidade aos deportistas paralímpicos galegos, e Francisco Otero, enfermo de Ela desde 1996, recibirá esta distinción pola súa valentía e coraxe durante a loita contra a soidade que leva esta enfermidade incurable.

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress
CLABE