POR ENCARGA DA PETROLEIRA MEXICANA

Barreras construirá, en Vigo, un segundo flotel para Pemex

|


(Video da botadura do Pemex Reforma, ofrecido por Pemex)


O estaleiro vigués Barreras construirá un buque flotante xemelgo ao que acaba de botar esta tarde, segundo acordou este martes o consello de administración, tal e como anunciou o coordinador de asesores de Pemex, Carlos Roa. 


En declaracións aos xornalistas minutos logo da botadura do buque de apoio offshore Reforma Pemex, nas instalacións do estaleiro vigués, Roa concretou que aínda "faltan algúns detalles" por tratar con respecto a este novo encargo cuxa proposta foi presentada hoxe ao consello e finalmente "aceptada".


Agora, falta o visto bo das "instancias corporativas de Pemex" que, segundo dixo, confía en que dean igualmente a súa "aprobación".

"Os termos son favorables para ambas as partes e queremos aproveitar as vantaxes de repetir un barco. Queremos tres iguais. Iso facilita o mantemento, a operación e as tripulacións que poden ser intercambiables", explicou Carlos Roa.

Así, avanzou que esperan "pechar" o contrato "neste mesmo ano" e, preguntado por se o buque sería adxudicado a través dun proceso de licitación, comentou que a compañía realizou "estudos de mercado" e equiparou condicións" para decidir "directamente por isto", tendo en conta "as condicións" que se ofrecen.

Recoñeceu conversacións sobre este proxecto desde hai meses e que, durante este período, as partes fóronse "achegando nas condicións"; tendo en conta a conxuntura actual do mercado do petróleo, que é "complicada", aínda que sen esquecer que Barreras "é o noso estaleiro e seguirao sendo por moito tempo", engadiu.


OUTROS CONTRATOS


Adiantou que se están concretando "outros proxectos que van avanzando máis lento do que queriamos", pero que "seguen avanzando", aínda que evitou achegar, polo momento, máis datos sobre os mesmos.


O flotel xemelgo ao botado hoxe, que pode sufrir algunha "pequena variación en temas que se están axustando" con respecto ao seu "irmán", irá destinado á filial Exploración e Produción (PEP) de Pemex, do mesmo xeito que os seus dous antecesores construídos en Galicia. Polo tanto, ningún dos tres "se van vender", garantiu.

A tenor das noticias que falaban da suposta marcha da compañía mexicana dos portos galegos, Carlos Roa lamentou que se especule" e asegurou que "aquí hai Pemex e aquí seguimos Pemex".

O presidente de Barreras, José García Costas, aproveitou a ocasión para deixar "clarísimo dunha vez por sempre que Pemex veu aquí para quedar" e que, a pesar de non ter "ningún compromiso para repetir este barco", apostou unha vez máis polo estaleiro vigués.


PEMEX CHEGOU "PARA SE QUEDAR"


Lamentou as noticias que falan de que a petroleira "abandonou e non cumpriu o que prometeu" cando, asegurou, "é incerto".


García Costas destacou que todo o que Pemex prometeu "está vivo" e que algúns proxectos que aínda se descoñecen "están vivos" igualmente.

Para rematar, avanzou que, antes de que finalice 2015, porase o novo flotel "en produción" e haberá algún outro contrato "en vigor".


MOMENTO FELIZ


O presidente do comité de empresa de Barreras, Sergio Gálvez, valorou este anuncio que, dixo, "permite a continuidade do estaleiro".


"Para nós é un momento feliz. Este é un sector complicado, a contratación é complicada e o financiamento tamén pero parece que, ao final, o contexto do 51% dos accionistas está a fornecer a carga de traballo", sentenciou.


Si recoñeceu que a carga de traballo non é a que se esperaba "ao principio", aínda que se mostrou comprensivo por "a crise importante do petróleo", e recordou que a construción dun flotel pode empregar a unha media de 600 persoas.  


O Presidente da Xunta, Nuñez Feijoo, charla co Presidente de Hijos de Barreras, García Costas


VIGO GAÑOU E GALICIA GAÑOU


O presidente da Xunta defendeu esta tarde a capacidade e o crédito do naval galego para seguir construíndo barcos con maior intensidade e destacou que, tras as dificultades polas que atravesou esta industria, hai motivos para sentirnos orgullosos porque “Vigo gañou e Galicia gañou” coa botadura do flotel Reforma Pemex, construído nos estaleiros Hijos de J. Barreras de Vigo, que é segundo buque que esta petroleira constrúe en Galicia.


Feijóo recordou que este é un dos barcos máis grandes construído na ría de Vigo e que supuxo gañar máis carga de traballo para as 800 familias que dependen deste estaleiro e para a industria auxiliar. Este flotel demostra que os estaleiros vigueses seguen en plena sintonía coas necesidades do mercado naval actual e representa a reconstrución das expectativas do naval en Galicia, segundo indicou.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress