O Pórtico da literatura galega en inglés amplíase con 5 novos autores

Cinco novos autores foron engadidos á website Portico of Galician Literature, creada pola Consellería de Cultura, Educación e Ordenación Universitaria co obxectivo de promover as traducións inglesas de autores galegos destacados. 

En concreto, incorpóranse fragmentos escollidos da obra de Xabier P.DoCampo, Pedro Feijoo, Inma López Silva, Manuel Lourenzo González e María Reimóndez, xunto con fotografías e información biográfica para dar a coñecer estes autores ao público de lingua inglesa. 

Únense así a outros autores da literatura actual engadidos en 2014 como Diego Ameixeiras, Rosa Aneiros, Elena Gallego, Xavier Queipo o Anxos Sumai, completando un catálogo que xa suma 20 autores da literatura galega actual.