Volve o mal tempo
Agárdanse ceos cubertos, con precipitacións que durante o día serán algo máis intensas no oeste e sucederán de xeito débil e intermitente no resto, tendendo a aumentar en intensidade e xeneralizarse pola noite
Trala tregua que nos ofreceu o martes, o mércores trae de volta o temporal a Galicia. A influencia dunha borrasca que se irá achegando progresivamente dende o Atlántico traerá consigo un empeoramento nas condicións meteorolóxicas. Con esta situación, agárdanse ceos cubertos, con precipitacións que durante o día serán algo máis intensas no oeste e sucederán de xeito débil e intermitente no resto, tendendo a aumentar en intensidade e xeneralizarse pola noite. As temperaturas mínimas descenderon mentres que as máximas experimentarán un ascenso entre lixeiro e moderado.
Afortunadamente, as choivas serán tan xeralizadas como transitorias. Para o xoves xa poderemos notar unha certa melloría, con poucas precipitacións e ceos abertos coa chegada da tarde. Iso sí, tamén podemos contar coa chegada de aire frío que baixará de novo as temperaturas. A situación manterase durante o xoves, e resulta probable que as choivas nos concedan un descanso ata o domingo.
Escribe tu comentario