AOS PUJOL DEIXÁRONOS TRANQUILOS

Manuel Fernando González Iglesias

A algúns políticos cataláns que sempre fomentaron o enfrontamento Catalunya-Estado presentando aos malvados españois como intolerantes de tomo e lombo, sorprendeulles a "normalidade" coa que os Pujol senior compareceron ante a Audiencia Nacional á que chegaron andando tranquilamente coa preocupación no rostro e un "medio sorriso" á saída, que delataba que todo fora ben para os seus intereses xudiciais e que podían convencer ao Xuíz que lles deixou libres sen tomar mediadas precautorias contra eles.


A persistencia de Jordi Pujol en dicir que o do seu diñeiro en Andorra era unha doazón/herdanza do 'avi Florenci' entra dentro do que legalmente se coñece como o dereito que ten calquera persoa de "mentir", se é necesario, para defenderse das acusacións que se lle imputen. Marta Ferrusola nin se molestou en facelo ao non querer declarar, e deixou que o seu marido, nun bo castelán, e os avogados contratados --moi bos e caros por certo-- fixesen todo o traballo. Falta saber a partir de agora se a súa Señoría o Xuíz cre o de que os negocios do fillo maior e, en consecuencia, os de toda a troupe familiar son comúns ou se, pola contra, Pujol pai ía por libre e os seus vástagos campaban ás súas anchas sen dicirlle nada ao xefe da familia.


Como estamos ao principio dun larguísimo proceso de xuízos, sentenzas e apelacións e as investigacións continúan, hai que celebrar que "o acougo social" teña presidido esta comparecencia e que os Pujol descubrisen unha capital do Estado que lles deixou comparecer coma se o estivesen facendo en Londres, París ou na moi civilizada Barcelona. Tomen nota os sectarios, e cambien de discurso, porque os feitos acaban de deixalos co traseiro ao sol deste inverno tropical. E iso é moi malo para os seus intereses.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Más opinión
Opinadores

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress