​Dolmen de Dombate, ¿restauración ou maquillaxe?

|



A Deputación da Coruña acaba de comezar a reparación dos visibles desperfectos na réplica do Dolmen de Dombate, que espertaron en maio de 2015 as dúbidas da plataforma Salvemos Cabana sobre a xestión do concello de Cabana de Bergantiños para o monumento. Pero lonxe de satisfacer as demandas dos ecoloxistas, a actuación da deputación parécelles un "parche" a costa do erario público, destinado a "acalar as críticas" pola renovación do convenio de conservación co concello".


Para Salvemos Cabana, os desperfectos que presenta o neodolmen son unha consecuencia directa da política de conservación do concello, que sempre primou a "masificación do xacemento sen prever as posibles consecuencias". Levaban tempo reclamando unha estratexia de conservación preventiva e un control dos grupos que accedían a visitar o centro arqueolóxico. Por iso denuncian que as obras que comezan agora son un "parche" que non poderá restituir o monumento ao seu estado orixinal, sobre todo porque a empresa que o construiu xa non está operativa.


Dende a plataforma entenden a maniobra da Deputación como unha "solución de urxencia para acalar as críticas", xustificando a polémica renovación do convenio co concello, que "non tivo en consideración os informes negativos emitidos polo seu propio servizo de Arquitectura e Patrimonio", despois de que se incumpliran varias cláusulas do documento que obrigaba a "priorizar sobre calquera outro factor a protección do monumento e de todos os bens incluidos no centro arqueolóxico". 


Pero será difícil que consigan silenciar aos ecoloxistas, que consideran a renovación do convenio unha "tomadura de pelo" que senta "un penoso precedente que pode rematar convertendo un monumento prehistórico de referencia en Galicia nun recinto ferial". Para Salvemos Cabana, a única forma de entender a decisión da Deputación é que cederon ás presións locais "entregándolle en bandexa de prata ao Partido Popular" a xestión do centro arqueolóxico. 




relacionada Salvemos Cabana considera la cesión de la gestión del Dolmen de Dombate "una tomadura de pelo"
relacionada Salvemos Cabana segue reclamando un cambio na xestión do Dolmen de Dombate
relacionada La gestión del Dolmen de Dombate podría poner en peligro su conservación
relacionada Desvelando os segredos dos petroglifos galegos

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress