Buscan a un pescador desaparecido en Malpica

Os servizos de emerxencias buscan por terra, mar e aire a un pescador desaparecido este domingo no municipio coruñés de Malpica, concretamente nunha zona rochosa de Punta Nariga. 

O home leva desaparecido dende as 14:00 horas do domingo, cando se ausentou do lugar onde se atopaba pescando cun compañeiro para non regresar. 

Nas labores de procura participa o Helicóptero de Salvamento Helimer 209, que será substituído ao longo do día polo Pesca II, da Xunta.

Así mesmo, sumáronse por mar a Salvamar Altair e a LS Tara, de Cruz Vermella; mentres que por terra buscan efectivos de Protección Civil e de Garda Civil. A zona de procura esténdese este luns desde Punta Nariga ata Punta Barizo.