Un centenar de persoas intoxicadas nun hotel de Vilanova de Arousa

Un centenar de persoas necesitaron recibir atención médica tras resultar intoxicados nun hotel de Vilanova de Arousa. 

A meirande parte dos afectados eran menores que participaban na Vilagarcía Básket Cup, que xunto ao torneo Arousa Fútbol 7 reúne na zona a miles de persoas.

Os casos máis graves foron dous mozos de 15 e 16 anos, que tiveron que ser ingresados no Hospital do Salnés. Ademais, outros 26 recibiron tratamento médico e unos 80 presentaron síntomas leves. 

Polo de agora non están confirmadas as causas da intoxicación, pero a Policía Local considera que puido deberse ao mal estado dalgún alimento ou da auga.