O PSdeG alerta da “privatización masiva” de garderías
Aseguran que Feijóo aumentou os prezos dos prezos das escolas infantís públicas “de xeito escandaloso”
Os socialistas galegos desconfían do anuncio da Xunta de 2.000 novas prazas financiadas de gardería, aseguran que en realidade se trata da privatización de 2.000 prazas de "depósitos de nenos e nenas”.
A deputada socialista Carmen Gallego sinala que as novas prazas para o curso 2016-17 supoñen o financiamento de novas escolas ou novas prazas cuxa xestión será privada”. En lugar de centros educativos para integrar no sector público, dixo, constituirán “simples lugares onde depositar aos nenos e nenas”.
Gallego acusou ao presidente da Xunta de “deslizarse paseniñamente trasladando ao sector privado o que deben ser os servizos públicos”. Por este motivo ten incrementado os prezos das escolas infantís “de xeito escandaloso” e dificultando o acceso ás persoas con menos recursos ata o punto de que “nalgúns concellos de Galicia xa resulta máis rendible acudir ás escolas privadas que a centros públicos”.
Tamén lle reprochou ao presidente da Xunta o feito de “presumir de novas prazas en garderías mentres pecha e desmantela as escolas infantís públicas, infradotadas de persoal, amortizando prazas, diminuíndo ao persoal, negándose a incorporar a parella educativa e deteriorando a calidade do servizo”.
Escribe tu comentario