​Traballadores de varios hospitales rebélanse contra o peche de camas

|

Peche 1



O Servizo Galego de Saúde conta con pechar máis de 900 camas este verán, unha cifra semellante ao do ano pasado. Pero por moito que non sexa ningunha novidade, a decisión segue sen sentar ben entre traballadores e sindicatos das principais áreas sanitarias, que organizaron concentracións este mércores demandando a plena utilización dos recursos dispoñibles.


En Santiago, os sindicatos cargaron contra un peche de "polo menos 250" camas que consideran carente de "lóxica asistencial, xa que entenden que "non é certo que en verán haxa menos pacientes". Nunha concentración no vestíbulo do Hospital Provincial de Conxo, a súa voceira Lourdes García asegurou que no CHUS xa hai "a día de hoxe unidades enteiras vacías" nun peche que "non é estival, porque hai unidades como neumoloxía e medicina interna que seguen cerradas en outubro e incluso novembro".


En A Coruña, os traballadores concentráronse na rotonda do Complexo Hospitalario Universitario de A Coruña, criticando un peche de camas que consideran "indignante" e pedindo "responsabilidade" ante o "estado de abandono" do centro, con "masificación, incremento brutal das listas de espera, colapso dos servizos de urxencias e peche de camas hospitalarias continuado todos os veráns", segundo destacou a presidenta da comisión de centro, María Seijo.


No caso de Vigo, o peche de camas previsto para este verán ten sentado especialmente mal, xa que segundo ten denunciado en varias ocasións dende a Xunta de Persoal a área sanitaria padece as listaxes de espera máis amplas da comunidade.


Este martes o xerente da área sanitaria reuniuse cos traballadores nun tenso encontro que serviu para constatar a tensión existente, manténdose a convocatoria dunha concentración na entrada do Meixoeiro para a tarde do mércores, na que se pediu a apertura de todas as camas de hospitalización da área, ademais dunha unidade de críticos para este hospital e que non se produza nin unha derivación cara centros privados mentres existan camas libres. 

relacionada ​Los sindicatos cargan contra el cierre "ilógico" de "al menos 250 camas" en Santiago
relacionada ​Tenso encuentro entre gerencia y trabajadores del Meixoeiro
relacionada ​O Sergas pechará máis de 900 camas este verán
relacionada Máis da metade das camas do Meixoeiro, "inoperativas" durante a fin de semana

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress