​Veciños de Santiago únense para limpar o río Sarela

|



Un nutrido grupo de veciños do compostelán barrio de Galeras uniron os seus esforzos para limpar o río Sarela ao seu paso por Santiago, entre Santa Isabel e o Carmen, retirando uns 200 kilos de lixo, na súa maior parte restos de plásticos, envoltorios e toalliñas sanitarias.


Responderon á convocatoria da concellería de Medio Ambiente e da compañía ViAQUA, nunha actividade enmarcada dentro dos actos programados con motivo da celebración o vindeiro domingo do Día Mundial do Medio Ambiente.


O concelleiro de Medio Ambiente compostelán, Xan Duro, chamou a atención sobre os problemas que ocasionan estes materiais que se tiran polas cisternas e que causan perxuizos na rede, atascándoa, como nas depuradoras, ao elevar o custe do saneamento innecesariamente.


José Antonio del Rey, xerente de Operacións de Viaqua, subliñou este traballo de limpeza pola súa carga de sensibilización, e como medida para concienciar á poboación en condutas responsables desde o punto de vista ambiental. Sinalou que nas campañas de limpeza que se fan cada ano nos dous ríos da cidade, o Sar e o Sarela, se recollen 40 toneladas de residuos. 

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress