​Unha concentración pide o arquivo da causa contra a activista Laura Bugalho

|

Laura



Este martes a activista LGTBI e sindicalista da CIG Laura Bugalho tivo que comparecer nos xulgados de Santiago, a raíz do caso na que está sendo xulgada por un suposto delito de falsidade documental co obxectivo de conseguirlle os papeles de residencia  a inmigrantes ilegais.


A Fiscalía pide entre tres e seis anos de cárcere, pero a multitude que se congregou diante dos xulgados esta mañá reclama que se arquive unha causa que ven "cargada de sombras".


A concentración de apoio á activista estivo apoiada por sindicatos como a CIG e partidos políticos como o BNG, Esquerda Unida ou Anova, que entende que a "longa traxectoria a loita pola defensa dos dereitos humanos" da activista é "o obxectivo principal no que se asenta este caso".


Por iso reclaman a liberdade sen cargos para Laura Bugalho, porque "defender ás persoas migrantes non é delito". A defensa dos dereitos das máis vulnerables é un acto de xustiza social que non pode ser censurado en ningún caso", conclúen. 


MOITAS LAURAS PRECISA ESTE PAÍS

Durante as últimas semanas os colectivos que apoian á activista lanzaron unha campaña recabando apoios nas redes sociais.



A través do hashtag #moitaslaurasprecisaestepais, un gran número de persoas e colectivos amosaron o seu apoio e pediron a absolución da procesada. 

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress