Ana Pastor non cree que o traspaso da AP-9 a Galicia depende dela
Mantén que a decisión debe tomarse en función de "informes técnicos e xurídicos"
A ministra de Fomento en funcións e número uno do PP por Pontevedra ao Congreso, Ana Pastor, non considera que esté na súa man traspasar a titularidade da AP-9 a Galicia, como reclamaron de forma unánime todos os grupos do Parlamento de Galicia (incluído o PP).
Ao ser cuestionada por este tema en Vigo, Pastor asegurou que "todo depende" do que digan "os informes técnicos e xurídicos con respecto ao interese xeral supracomunitario desta vía", aínda que afirmou que está "aberta a facer o que sexa mellor para Galicia". "Se iso significase que houbese financiamento para que podamos ter máis oportunidades, sempre estarei con ese modelo", rematou.
En todo caso, a ministra en funcións criticou que haxa algunhas persoas que "falan moito da AP-9" agora que comezou a campaña electoral, recordando que foi a impulsora dunha iniciativa para que os cidadáns paguen menos. Asegura que o Goberno destinou "10 millóns de euros para que a viaxe de volta dos días laborables sexa gratuíta", a través do financiamento de "máis de tres millóns de viaxes". "Os únicos que demostramos que se pode baixar o custo da autoestrada somos os do Partido Popular e a ministra de Fomento en funcións", concluíu.
A negativa da ministra en funcións a traspasar a autoestrada xa fora adiantada pola voceira nacional do BNG, Ana Pontón, que considera os criterios de interés supraautonómico como unha "excusa de mal pagador", recordando que tanto Cataluña como o país vasco sí posúen a titularidade de estradas que unen España con Francia.
Escribe tu comentario