O debate sobre o IVA dos cueiros chega ata o parlamento galego

O debate sobre a reducción do IVA dos cueiros, actualmente fixado no 21%, acaba de chegar ata o parlamento galego a través dunha iniciativa cidadá que agora poderá  ser asumida polos grupos.

Polo de agora, a Mesa do Parlamento de Galicia xa admitiu a trámite a iniciativa. Agora deberá ser asumida polos grupos parlamentarios como propia para converterse nunha proposción non de lei que será debatida en pleno ou en comisión.

Trátase da primeira iniciativa cidadá admitida polo parlamento galego, a primeira cámara autonómica que admite o trámite deste tipo de iniciativas sempre e cando conten cun mínimo de 2.500 firmas de respaldo.