Galego
Extinguido de madrugada un incendio no concello de Toques
A tres días de que comece a campaña contra incendios, o lume levou por diante hoxe máis de 25 hectáreas de monte raso.
Un incendio forestal rexistrado na parroquia de Paradela, do concello coruñés de Toques, tivo esta noite mobilizados os efectivos da loita contra incendios. O lume iniciouse esta madrugada ás 2:12 horas e quedou finalmente extinguido ás 08:20 horas desta mañá.
Segundo as primeiras estimacións provisionais, a superficie afectada é de 25,5 hectáreas de monte raso. Na súa extinción traballaron 1 axente, 2 brigadas e 1 motobomba. Aínda se investigan as causas do lume, pero a hora á que comezou parece sinalar que foi provocado.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.
Escribe tu comentario