O piano de Murguía e Rosalía volve soar na Casa da Matanza

|

Rosalia


Casa Museo de Rosalía, situada na localidade de Padrón (A Coruña), recuperou o piano e outros obxectos que pertenceron á familia Murguía Castro, así como unha obra pictórica realizada por Ovidio Murguía, fillo do matrimonio de Manuel e Rosalía.


A Coral Follas Novas cedeu o piano, xunto a outros obxectos, que recibira de mans de Gala Murguía e que foi restaurado recentemente por Luís Ares e Ascensión de Vicente.


Tras un acto no que participaron o presidente da Fundación Rosalía de Castro, Anxo Angueira, e o secretario xeral de Cultura, Anxo Lorenzo, o piano da familia Murguía Castro volveu soar na Casa da Matanza grazas á pianista Margarita Viso.


Ademais do instrumento musical, tamén se recuperou para a casa museo da poetisa galega o cadro titulado 'Árbore de montaña' de Ovidio Murguía, pintado en Madrid no ano 1899, xusto un ano antes da súa morte.


Anxo Lorenzo destacou que "dentro do patrimonio vinculado a Rosalía existen toda unha serie de elementos que contribúen a entender e a situar a súa figura", no que se inclúe a música, xa que a propia escritora galega era instrumentista


relacionada Rosalía, a literata que se fixo escoitar
relacionada La Fundación Rosalía de Castro informatiza todos sus fondos históricos

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress