​Un equipo da USC avanza nunha posible cura para o fígado graxo

|

Investigadoresusc

Rubén Nogueiras xunto con Mónica Imbernón e Estrella Sánchez (USC).


Investigadores da Universidade de Santiago de Compostela, encabezados polo profesor Rubén Nogueiras -experto en temas relacionados coa obesidade e a diabete tipo 2- acaban de descubrir un mecanismo cerebral que pode axudar a curar a enfermidade do fíagado graxo. Como sinala un comunicado da USC, a doenza está moi asociada á obesidade, á diabete II ou ao alcolismo. “É unha enfermidade progresiva que pode acabar desencadeando un cancro de fígado e para a que aínda non hai tratamento”, explica Rubén Nogueiras.


O equipo traballou polo momento con ratos, pero atoparon unha vía para regular o metabolismo no fígado con independencia dos cambios na inxesta de alimentos ou o peso corporal. Mediante o uso de substancias opioides, o seu traballo "produce unha mellora tanto na inflamación como na acumulación de lípidos no fígado". A pesar de que estas substancias, coma a morfina, se usan clasicamente para calmar a dor, Rubén Nogueiras aclara que tamén modulan "o sistema de recompensa do cerebro", o que explica a incidencia no comportamento humano e animal, tamén no relativo á alimentación.


O achado cobra maior relevancia tendo en conta que nos Estados Unidos se aprobou un fármaco que, a través do mesmo sistema, é capaz de reducir o peso en pacientes obesos.


Os resultados acaban de ser publicados na revista de alcence mundial Hepatology, nun artigo que ten como primeiras asinantes as investigadoras da USC Mónica Imbernón e EstrellaSánchez-Rebordelo, aínda que tamén participaron outros investigadores da USC e doutros centros nacionais e internacionais.

relacionada ​Envellecer mellor ou peor é, en parte, xenético
relacionada ​Investigadores da USC patentan unha instalación para revalorizar o sangue

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress