Que pasou na Turquía?

Manuel Fernando González Iglesias

A Tayyip Erdoğan acabarán as grandes potencias occidentais converténdoo no novo Sadam Hussein do Bósforo. O que espero é que, dentro duns meses, non pretendan quitalo do medio como fixeron os Bush no 2003 co ditador sunita, deixando detrás de si a traxedia que hoxe seguen padecendo iraquís, sirios, palestinos, xordanos e ata os kurdos, inimigos encarnizados do actual sultán de Istambul.


Porque, a verdade, sen ser un gran entendido en temas xeoestratéxicos, e tan só cunhas horas de reflexión por diante, o que pasou en Turquía é moi raro, e especialmente rechamante pola aparición case instantánea dunha larguísima lista de detidos no mundo xudicial que provocou a inmediata reacción en España dos seus colegas que chaman a atención sobre un feito tan pouco usual en democracias avanzadas.


Ao presidente turco rodeouno a corrupción por todas partes. Á prensa libre silenciouna e mandouna lonxe da súa vida institucional, coma se os xornalistas fosen uns apestados. E aínda por riba, ten á Unión Europea collida por onde máis lle doe que, como todos sabemos, é a entrada masiva de refuxiados nas súas fronteiras.


Digan o que digan os seus partidarios, este dirixente non é trigo limpo, e os seus detractores non se cansan de repetir que a "torpeza" de quen sacou os tanques á rúa parécese moito ao que Tejero e os seus mariachis escenificaron un 23 de febreiro de 1981 que acabou con "todos no cárcere" e unha chea de gardas civís saltando polas xanelas do Congreso.


A día de hoxe non se sabe quen era o Elefante Branco nin tampouco quen completaban a lista da trama civil da que tanto se escribiu. En España non houbo mortos, pero en Turquía si.


Como estamos ao 18 de xullo e pasaron 80 anos dunha guerra civil atroz na que os nosos antepasados matáronse con saña e despropósito, o que cabe desexar nestes momentos é que ao sátrapa turco non se lle dea por reinstaurar a pena de morte e que ese gran país se recupere do susto e volva pronto á normalidade democrática.


Porque, se non é así, xa verán Vds. como algún sabiondo se lle volve ocorrer recordarnos algunha das profecías de Nostradamus e, de paso, falarnos da terceira guerra mundial.

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Más opinión
Opinadores
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress