#Claves de la semana

​Os viños galegos apostan por conquistar os mercados internacionais

O último ano as exportacións creceron unha media dun 10%. A internacionalización "é a vía" para crear "emprego de calidade" no sector.


|

Bodega


O conselleiro de Economía, Emprego e Industria, Francisco Conde, avogou este xoves porque a industria vitivinícola galega continúe a súa aposta pola innovación e a calidade para "gañar máis peso" nos mercados exteriores e destacou que no último ano as exportacións de caldos galegos creceron unha media dun 10%.


Así o sinalou durante unha visita á Adega Campante, do grupo empresarial Reboreda Morgadío, este xoves en Toén (Ourense), onde resaltou os resultados obtidos por esta empresa nos mercados internacionais, onde no último ano as súas vendas creceron un 40%.


"Esta é a vía que temos que seguir" para crecer, destacou o conselleiro de Economía, que animou aos empresarios do sector para "seguir apostando pola innovación, centrados na calidade e cunha obxectivo clave, como é o da internacionalización", dixo.


Durante a súa intervención Conde resaltou a necesidade de que o tecido empresarial galego se lance sen complexos ao mercado exterior a través da mellora da súa competitividade. Para o conselleiro, trátase dun requisito que "contribúe a ser un motor na xeración de emprego de calidade".


Ademais, o conselleiro lembrou que a Xunta de Galicia mantén unha liña de axudas para impulsar a internacionalización das empresas galegas, a través da 'Estratexia de Especialización da Empresa Galega 2020'. Trátase dun proxecto que conta con varias liñas de actuación como apoios a misións empresariais no exterior ou en feiras empresariais para promocionar ou estudar mercados exteriores.


Así mesmo, o Goberno galego ten activo un plan para a promoción internacional de viños galegos en colaboración coas denominacións de orixe Rías Baixas, Ribeiro, Monterrei, Valdeorras e Ribeira Sacra e con Augardentes e Licores Tradicionais de Galicia, que se centra no mercado alemán.

relacionada ​Cambados espera más de 250.000 visitantes por la Fiesta del Albariño
relacionada ​Galicia exporta más vino blanco y a un precio mayor
relacionada Exaltación gastronómica nos premios DO Ribeiro de Ourense
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE