Motobombas novas están inmobilizadas por fallos no sistema de freado
Son parte dos vehículos entregados na última remesa. A CIG pide que Medio Rural aclare qué vai facer co resto, que supoñen un "perigo".
A CIG denunciou a diminución dos medios para a extinción de incendios debido a un fallo no sistema de freado das motobombas entregadas á Xunta na última remesa, polo que solicitaron unha reunión do Comité de Prevención de Riscos Laborais para aclarar esta cuestión.
O sindicato lamentou que nin o presidente da Xunta nin a conselleira de Medio Rural se puxeron en contacto cos traballadores para explicar cal é o problema, segundo informou a través dun comunicado emitido este luns.
Neste sentido, a central nacionalista apuntou que "non só afecta á eficacia para a defensa dos montes", senón que tamén pon en perigo "as vidas dos traballadores dos servizos de extinción", tanto a dos condutores como a do resto de efectivos, que ve dificultado o seu traballo ao non poder contar con este vehículo.
Así mesmo, sinalou que en Ourense procedeuse á inmobilización de varias motobombas, así como nos distritos de Deza-Tabeirós, O Condado-Paradanta e en Caldas-O Salnés, situados na provincia de Pontevedra. Por este motivo, solicita unha aclaración por parte da Consellería para saber que se vai a facer co resto de motobombas entregadas na última remesa.
Escribe tu comentario