​Villares e o PSdeG disputan o liderado alternativo

|

Leiceagavillares


O candidato de En Marea á Presidencia da Xunta, Luís Villares, defendeu este domingo, tras ser preguntado polas sondaxes publicadas, que "a Marea Galega liderará un proxecto con toda a esquerda" no caso de que desen os números.

Con todo, Villares ironizou acerca dos estudos. "Vin planos de edificios peor calculados", chanceou, para logo facer fincapé en que a única enquisa que lle preocupa á marea é a do 25S. "Necesitamos transformar este país de arriba a abaixo e de abaixo a arriba [...], recuperar as institucións para a xente", proclamou.

A continuación, sinalou que o mellor resultado para a marea sería "desprazar con solvencia e suficiencia" ao Partido Popular, xa que sostén que esta confluencia é "a única alternativa posible" aos populares "neste momento". Trátase, precisou, de "unha coalición da xente común", de "as boas ideas" e da "competencia": "Aspiramos a unha maioría suficiente para levar a cabo un proxecto transformador".

Preguntado sobre o feito de que Feijóo é o único líder que aproba na enquisa realizada por Sondaxe, Villares explicou que se trata de algo que están "a solucionar" dando a coñecer aos candidatos e ao aspirante á Presidencia da Xunta. A forma de facelo, proseguiu, é presentar "propostas en positivo" e denunciar as "políticas antisociais" do PP. "Será o que nos de o coñecemento e a aprobación dos galegos", resolveu.


O PSDEG RECLAMA O SEU SITIO

O director de campaña do PSdeG, José Manuel Lage Tuñas, afirmou que o seu partido "está en condicións" de liderar a "alternativa política" ao PPdeG nas próximas eleccións autonómicas da man do seu candidato á Presidencia da Xunta, Xoaquín Fernández Leiceaga.

Respecto diso das sondaxes, lembrou as enquisas previas ás eleccións xerais do pasado 26 de xuño, que anticipaban un 'sorpasso' de Podemos ao PSOE que non se produciu. Por esta razón, asegurou que "a mellor enquisa será a do 25 de setembro" e considerou que o "fundamental" na Comunidade galega será a conformación dun "cambio político da man do PSdeG".

Nesta liña, incidiu que o PSdeG "está centrado" en ofrecer o "mellor proxecto" aos galegos, que "simboliza" Leiceaga e cuxo obxectivo é responder as demandas da cidadanía en relación ao emprego, a sanidade e a educación. Así, avanzou a apertura de "un tempo novo" no que existe unha "nova resposta", o PSdeG.

Así mesmo, incidiu en que os cidadáns "confían" nos socialistas cando "queren un cambio" e que este partido achega "respostas sociais e económicas" ás súas demandas.

relacionada Leiceaga reivindica 'cuidar mejor' del Camino de Santiago
relacionada ​En Marea arremete contra Feijóo polo seu vínculo con Marcial Dorado

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress