#Claves de la semana

​Máis de 2.000 persoas solicitaron cita para obter o carné Xente Nova

Con este servizo os mozos de entre 4 e 19 anos poderán viaxar gratis no transporte metropolitano a partir do vindeiro luns. 


|

Transporteurbano


Máis de 2.000 persoas solicitaron cita para obter o carné Xente Nova, expedido gratuitamente por Abanca e coa que os mozos de entre 4 e 19 anos poderán viaxar gratis no transporte metropolitano a partir do próximo luns.


Sobre este servizo, e a preguntas dos xornalistas tras unha reunión con empresarios de Agrela, a conselleira de Infraestruturas e Vivenda, Ethel Vázquez, manifestou que, á primeira hora da mañá, eran xa 2.300 as citas solicitadas para este carné, que ofrecerá un máximo de 60 viaxes interurbanas ao mes e tamén permitirá o seu uso para transbordos en autobús urbano, sempre que formen parte do mesmo desprazamento.


Sobre esta iniciativa, a conselleira manifestou que se trata dunha "medida social" que busca, ademais, "fomentar o uso do transporte público". Así mesmo, incidiu en que se trata dunha medida "boa para todos".


Por iso, instou de novo ás cidades para sumarse a ela. Respecto diso, lembrou que así llo trasladaron desde a Xunta, e desde o Parlamento galego. "Espero que fagan caso e así será un itinerario completo", apostilou.


FUNCIONAMENTO


Segundo a Administración autonómica, o usuario de Xente Nova debe cargar o carné para os desprazamentos que realice e este diñeiro será reintegrado cada 15 días. Deste xeito, producirase a devolución do 100 por cen do importe daquelas viaxes realizadas, ata un máximo de 60 ao mes.


A continuación, a Administración poñerá a disposición dos usuarios os días 5 e 20 de cada mes a devolución. Así, os consumos realizados entre o 1 e o 15 de setembro devolveranse o 5 de outubro, mentres que os realizados entre o 16 e o 30 de setembro, figurarán a partir do día 20 de outubro.



relacionada ​El Bloque defiende su "modelo de movilidad alternativo" para las ciudades
relacionada ​Promover o coche eléctrico en Galicia, entre as propostas de CxG para o 25S
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE