​Un puñado de reaccións ao nomeamento e renuncia de Soria

Tras o anuncio onte de Soria de renunciar á súa candidatura para director executivo do Banco Mundial, as reaccións dos diferentes grupos políticos, tanto en Galicia coma no resto do Estado, non se fixeron esperar.

Na súa carta de renuncia, o exministro, que presentara a súa dimisión en abril pola aparición do seu nome nos chamados ‘Papeles de Panamá’, deixaba claro que non fora nin acusado nin investigado por ningún delito, e que renunciaba “voluntariamente” ao cargo ante a polémica ao redor do seu nomeamento e a utilización “desproporcionada” deste asunto no debate político e mediático. Ademais, afirmaba que non quería “perxudicar” ao goberno en función e ao partido popular no contexto do bloqueo político e, presuntamente, ante a posibilidade dunhas terceiras eleccións en decembro.

En Galicia, Feijóo aplaudía onte a renuncia dicindo que “era intelixente”, un paso que o “honraba” e que ademais daba por resolta a polémica do seu nomeamento. O presidente do PPdeG xa se amosara crítico coa candidatura do exministro dicindo que “era difícil de entender para moita xente”. Ao mesmo tempo Feijóo mostrábase “comprensivo” con Soria, dicindo que o exmandatario estaba tentando “refacer a súa carreira administrativa volvendo ao corpo co cal conseguíu unha praza por oposición”.

Non tan comprensivo se mostraba Luis Villares (En Marea) que atribuía á “presión pública e popular” a renuncia de Soria á candidatura do Banco Mundial e incidía na existencia de “políticos tóxicos con políticas tóxicas” e de “portas xiratorias”. Afirmaba así mesmo que “afortunadamente a presión pública acabou co nomeamento” e animaba á xente a “seguir denunciando” este tipo de situación.

A nivel Estado, PSOE e Podemos mantiñan que De Guindos deberá explicar no Pleno do Congreso o nomeamento de Soria pese á súa renuncia. Para os socialistas, a decisión de Soria “non elude a responsabilidade de quen o nomeou, De Guindos e Rajoy”, nin tampouco “as mentiras escondidas no nomeamento”, segundo explicou ante os medios Meritxell Batet, portavoz adxunta do grupo socialista no Congreso.

Quen non se mostraron proclives a facer ningunha declaración ao respecto foron Rajoy e Soraya Sáenz de Santamaría. Preguntado polo polémico nomeamento na presentación do aspirante a lehendakari, Alfonso Alonso, o presidente en funcións limitouse a dicir o seguinte: "O asunto quedou resolto onte. Non teño máis que dicir así que non vou dicir nada", sinalou.

TWITTER

A través de Twitter tamén manifestaban as súas opinión os líderes políticos a nivel individual. O líder do PSOE, Pedro Sánchez, engadía que “a renuncia de Soria ao Banco Mundial puña de manifestó o inmoral da proposta e as falsidades coas que tentaron xustificala”

La renuncia de Soria al Banco Mundial pone de manifiesto lo inmoral de la propuesta y las falsedades con que han intentando justificarla.

— Pedro Sánchez (@sanchezcastejon) 6 de septiembre de 2016

O secreatrio xeral de Podemos, Pablo Iglesias, expresábase de maneira semellante a través das redes sociais, onde aseguraba que o exministro non renunciaba senon que “o retiraba a cidadanía”. Ao seu xuízo, un gobernó “decente” nunca permitiría este nomeamento.

Soria no renuncia, lo retira la ciudadanía. Un Gobierno decente nunca habría permitido este nombramiento.

— Pablo Iglesias (@Pablo_Iglesias_) 6 de septiembre de 2016

Tamén Íñigo Errejón deixaba plasmado na rede social un chío no que acusaba ao goberno de “mentir” no nomeamento de Soria e esixía a Guindos que dese explicacións.

El cargo de Soria ni era para funcionarios,ni fue publicitado.Han vuelto a mentir.Pedimos que De Guindos lo explique pic.twitter.com/yg1E48KzqZ

— Íñigo Errejón (@ierrejon) 6 de septiembre de 2016

Albert Rivera pola súa parte censuraba o nomeamento de Soria e deixaba claro que o PP “non pode seguir confundindo España co seu partido”. 

El gobierno de Rajoy obligado a renunciar a la colocación de Soria en el Banco Mundial.No pueden seguir confundiendo España con su partido.

— Albert Rivera (@Albert_Rivera) 6 de septiembre de 2016