​Ana Pontón: "Queremos ter a chave do noso diñeiro, non Montoro"

|

Anapontonvideocampaa


A candidata do BNG á Presidencia da Xunta, Ana Pontón, subliñou que as prioridades da súa formación son a "creación de emprego e blindar os servizos públicos e o benestar social".


"Queremos ter, os galegos, a chave do noso diñeiro, non Montoro, para decidir desde aquí, con capacidade real, as nosas prioridades de gasto", salientou, antes de sentenciar: "Sen iso, as proclamas a favor do emprego e os servizos públicos son pouco máis que eslogans".

Ana Pontón apostou, en definitiva, por "empezar a construír unha Galicia na que as persoas poidan vivir e traballar con dignidade, dándolle a volta á Galicia máis desigual e máis pobre que deixan oito anos de desgoberno".

Pero, para iso, dixo, "non chega cun cambio de caras". "Hai que ter as ferramentas políticas que permitan decidir desde aquí sobre os propios recursos".

Así, lembrou que o BNG propón a xestión e control da totalidade dos impostos de aforro galego a través dunha facenda e unha banca públicas.

Ana Pontón, que compartiu escenario coa cabeza de lista por Lugo, Olalla Rodil, remarcou que o BNG é "clave" para que Feijóo perda a maioría absoluta e "deixar atrás oito anos de políticas da dereita, que deixan unha Galicia de paro, emigración, salarios que non permiten chegan a fin de mes e recortes nos servizos públicos e no benestar social".

relacionada Pontón será a primeira en "chamar" a Villares e Leiceaga se Feijóo perde

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress